Bishkekte Qazaqstan azamatynyń ólimine kúdikti úsh azamat ustaldy
ASTANA. 6 jeltoqsan. QazAqparat /Rýslan Ǵabbasov/ - 25 qarashada Bishkekte qaza bolǵan Qazaqstan azamaty N.Kenjebekovtyń isi boıynsha kúdiktiler ustaldy.
Bul týraly búgin Astanada ótken brıfıngte QR Syrtqy ister mınıstrliginiń resmı ókili Altaı Ábıbýllaev málim etti.
Resmı ókildiń sózine qaraǵanda, qazirgi kezde kisi óltirý, tonaý, qaraqshylyq baptaryna sáıkes qylmystyq is qozǵalyp, qalalyq tergeý ızolıatoryna úsh kúdikti azamat jetkizildi. Bishkek qalalyq Іshki ister basqarmasy qazirgi ýaqytta qalǵan eki kúdikti azamatty ustaý boıynsha izdestirý amaldary júrgizilip jatqandyǵyn málimdedi.
Esterińizge sala keteıik, 25 qarashada bıznesmen N. Kenjebekovke betperde kıgen 5-6 belgisiz adam qaraqshylyq shabýyl jasaǵan. Qylmyskerler kásipkerdiń úıine basyp kirip, onymen birge turǵan azamatshany soqqyǵa jyqqan. Sodan keıin qylmyskerler 20 myń somdy, 1,5 myń AQSh dollaryn, altyn buıymdardy jáne uıaly telefondardy tartyp alyp ketken.
