Bishkekte Qazaqstan azamatyn óltirgen qylmyskerler ustaldy
BІShKEK. 18 tamyz. QazAqparat /Arnur Rahymbekov/ - Ystyqkól aýdandyq ishki ister bóliminiń qylmystyq izdeý qyzmetkerleri Qazaqstan Respýblıkasynyń azamaty, Almaty qalasynyń turǵyny QR Ulttyq banki qarjylyq baqylaý komıtetiniń qyzmetkeri, 1979 jylǵy Erlan Balmahaevty óltirgen qylmyskerdi qolǵa túsirdi.
Bul týraly Qyrǵyz Respýblıkasy ІІM baspasóz qyzmeti habarlady. Qylmys Ystyqkól aýdany Qara-Oı aýylyndaǵy «Rohat-NBÝ» pansıonatynyń jaǵajaı aýmaǵynda 2011 jyldyń 7 tamyzyna qaraǵan túni bolǵan. Shamamen túngi saǵat 03.00-de jaǵajaıda Qazaqstan Respýblıkasynyń azamaty Erlan Rahmanuly Balmahaevty belgisiz bireýler uryp, tonap ketken. Ol Sholpan Ata qalasyndaǵy Ystyqkól aýdandyq aýrýhanasyna jatqyzylǵan bolatyn.
Alaıda ol esin jımastan 2011 jyldyń 14 tamyzy kúni qaza tapty. Qazaqstannyń Qyrǵyzstandaǵy Elshiliginiń kómegimen Erlan Balmahaevtyń denesi sol kúni otanyna jetkizilgen.
Jedel-tergeý sharalarynyń barysynda osy aýyr qylmysty jasaǵan adamdar anyqtaldy, olar 17 tamyz kúni Bishkek qalasynda qolǵa túsken. Olar 1991 jyly týylǵan K.N. esimdi Bishkek qalasynyń turǵyny men 1991 jyly týylǵan K.M. esimdi jáne 1994 jyly týlyǵan T.T. esimdi Ystyqkól aýdanynyń turǵyndary.
Qolǵa túsken adamdardan Erlannyń kúıeý balasy Dáýren Qasteevke tıesili «POLO» jazýy bar ámııan men Erlan Balmahaevtyń «Omega» qolsaǵaty tabylǵan.
Qylmyskerler aýdandyq ishki ister bóliminiń ýaqytsha qamaý orynyna jabyldy, sondaı-aq Ystyqkól ІІB tergeý bóliminiń qyzmetkerleri osy qylmys boıynsha tergeýdi jalǵastyrýda, dep habarlady Qyrǵyz Respýblıkasy ІІM baspasóz qyzmeti.
