Bishkekte kastrólge keptelip qalǵan 1,5 jasar sábı qutqaryldy
BІShKEK. QazAqparat - Qyrǵyzstan astanasynda qyzyq jaǵdaı oryn aldy - qutqarýshylarǵa 1,5 jastaǵy sábıdi kastróldiń ishinen alyp shyǵýǵa týra keldi.
Qyrǵyzstandyq TJM habarlaǵandaı, kishkentaı qyz ydyspen oınap otyryp, basyn sonyń ishine salǵan. Sosyn ony shyǵara almaı qalǵan. Balasyna kómektese almaı abyrjyǵan ata-anaǵa qutqarý qyzmetine júginýge týra kelgen.
Balanyń basy ydystan arnaıy quraldardyń kómegimen bosatylǵan. Sábıdiń densaýlyǵyna esh zalal kelgen joq.
