Bishkekte ınspektordy qaǵyp ketken júrgizýshi qamaýǵa alyndy
ASTANA. QazAqparat - Bishkekte MІІD jol ınspektoryn qaǵyp ketken «Leksýs LX-470» júrgizýshisi ýaqytsha ustaý oqshaýlaǵyshyna qamaldy, dep habarlaıdy 24.kg .
Oqıǵa 17 jeltoqsanda saǵat 13.30-da Bishkek qalasyndaǵy kóshelerdiń birinde bolǵan.
«Inspektor kóliktiń terezesin tolyqtaı qarańǵylap alǵan kólikti toqtatpaqshy bolǵan. Alaıda, sheteldik kóliktiń júrgizýshisi kishi serjantty ádeıi qaǵyp, oqıǵa ornynan izin sýytqan. Jedel-izdestirý jumystary nátıjesinde 1998 jylǵy Bishkek turǵyny ustalǵan. Onyń kóligi turaqqa qoıyldy. Júrgizýshi ýaqytsha ustaý oqshaýlaǵyshyna qamaldy», - dep habarlady basqarmada.
Fakti boıynsha qylmystyq is qozǵalǵan. Inspektor aýrýhanaǵa jetkizilgen. Qazirgi tańda qajetti saraptama taǵaıyndaldy.
