Bishkekte el astanasyna ulttyq epos batyrynyń atyn berý úshin qol jınalýda
BІShKEK. 1 tamyz. QazAqparat /Arnur Rahymbekov/ - Qyrǵyzstannyń birqatar qoǵamdyq jáne saıası uıymdary respýblıka astanasy Bishkek qalasyn ulttyq epos batyry Manas atyna ózgertý úshin qol jınaı bastady.
Búgin ótken baspasóz máslıhaty barysynda «Jasa, Qyrǵyzstan» partııasynyń kóshbasshysy Toqtoıym Úmetalıeva ulttyq parlament osy bastamany qaraý úshin qoǵamdyq birlestik 10 myń adamnyń qolyn jınaýǵa múddeli ekenin habarlady.
«Manas qyrǵyz halqynyń rýhanı kúshin jáne birligin kórsetedi, al bular prezıdent saılaýy aldynda elimiz úshin óte mańyzdy», - dep atap ótti ol.
