Bishkekte eki boıjetken pavılondy tonap ketken
ASTANA. QazAqparat - Bishkekte medıtsınalyq maska taqqan eki boıjetken pavılondy tonaǵan, dep habarlaıdy Bishkek QІІB baspasóz qyzmeti.
Aqparat boıynsha, mılıtsııaǵa 2017 jyldyń 27 qyrkúıeginde saǵat 14:30-da medıtsınalyq maska taqqan belgisiz eki boıjetkenniń pavılonǵa kirip, olardyń biri satýshyny oramalmen tunshyqtyrǵany týraly shaǵym túsirdi. Sol ýaqytta ekinshi qyz kassadan 6 myń somdy alyp, izin sýytqan.
Baspasóz qyzmeti atap ótkendeı, mılıtsııa qyzmetkerleri osy qylmysty jasaǵan 20 jastaǵy kúdiktini ustady. Ekinshi qyz izdestirilip jatyr.
Ustalýshy tergeý bólimine berildi, tergeý jalǵasyp jatyr.
