Bishkekte EAEO-ny damytýdyń 2025 jylǵa deıingi strategııasy talqylandy
Qazaqstan tarapynyń delegatsııasyn saýda jáne ıntegratsııa vıtse-mınıstri Janel Kýshýkova basqardy, dep habarlaıdy QR Úkimetiniń baspasóz qyzmeti.
«Ózara saýda jasaý kezinde kedergilerdi joıýdy kózdeıtin Eýrazııalyq ekonomıkalyq odaqtyń ishki naryǵyn damytý eýrazııalyq ıntegratsııany damytý úshin sheshýshi aspekti jáne jumysymyzdyń negizgi ólshemsharty bolýy tıis. Bul rette ıntegratsııanyń odan ári damýy ekonomıkalyq quramdastyń prızmasy arqyly ótýi qajet», — dep atap ótti Janel Kýshýkova.
Strategııalyq baǵyttardyń jobasy ótken jyly jeltoqsanda qabyldanǵan Eýrazııalyq ekonomıkalyq odaq sheńberinde ıntegratsııalyq protsesterdiń odan ári damýy týraly deklaratsııany iske asyrý úshin ázirlenip jatqanyn eske salamyz, ári ol aǵymdaǵy jyldyń sońyna deıin Joǵary Eýrazııalyq ekonomıkalyq odaqtyń qaraýyna usynylýy tıis.
Jalpy, Strategııalyq baǵyttardyń jobasy EAEO maqsattary men mindetterin iske asyrýǵa, onyń ishinde joǵary tehnologııalyq jáne ınnovatsııalyq eýrazııalyq keńistikti qamtamasyz etý, múshe elderdiń ekonomıkasyn tsıfrlyq transformatsııalaý, iskerlik belsendilikti yntalandyrý jáne azamattardyń ómirinde pozıtıvti ózgeristerdi qamtamasyz etý úshin múshe elder qabyldanǵan mindettemelerdiń sózsiz oryndalýyn qamtamasyz etýge baǵdarlanǵan.
Keńestiń nátıjeleri boıynsha taraptar Strategııalyq baǵyttardyń jobasyn ázirleý boıynsha jumysty jandandyrý týraly ýaǵdalasty.
