Bishkekte dzıýdodan ótken Azııa chempıonatynda Qazaqstan ekinshi oryn aldy
NUR-SULTAN. QazAqparat - Dzıýdodan Qazaqstan quramasy Azııa chempıonatynyń komandalyq synynda kúmis júldege ıe boldy, dep habarlaıdy Olympic.kz.
Bishkekte ótip jatqan Qurlyqtyq birinshiliktiń fınalynda el quramasy Ońtústik Koreıaǵa 4:2 esebimen jol berdi.
Jansaı Smaǵulov pen Zere Bektasqyzy komandaǵa upaı alyp kelse, Sevara Nıshanbaeva, Islam Bozbaev, Kamıla Berliqash jáne Erasyl Qajybaev qarsylastaryn jeńe almady.
Osylaısha, Qazaqstan quramasy dzıýdodan Azııa chempıonatyn jekeleı synda 1 kúmis, 2 qola, komandalyq saıysty kúmis júldemen aıaqtady.
