Bishkekte bolyp jatqan tártipsizdikter kezinde Qazaqstannyń bir azamaty qaza tapty - QR SІM
ASTANA. Sáýirdiń 8-i. QazAqparat /Ernur Aqanbaı/ - Qyrǵyzstanda bolyp jatqan tártipsizdiktiń saldarynan qaza tapqan adamdardyń ishinde Qazaqstan Respýblıkasynyń bir azamaty bar.
Bul týraly búgin Astanada jýrnalısterge QR Syrtqy ister mınıstrliginiń resmı ókili Asqar Ábdirahmanov aıtty, dep habarlaıdy QazAqparat.
«Qazaqstan Respýblıkasynyń Qyrǵyz Respýblıkasyndaǵy elshiliginiń aqparatyna sáıkes, Bishkekte bolyp jatqan tártipsizdikter kezinde keshe Qazaqstan Respýblıkasynyń bir azamaty qaza tapty. Onyń aty-jóni - Shııan Ilıa Vladımırovıch, 1994 jyly aqpannyń 24-de týylǵan. Jambyl oblysy, Merke aýylynyń turǵyny», dedi A. Ábdirahmanov.
Onyń aıtýynsha, qazirgi ýaqytta Qazaqstan Respýblıkasynyń Qyrǵyz Respýblıkasyndaǵy elshiliginiń qyzmetkerleri qaza tapqan azamattyń máıitin Qazaqstanǵa jetkizýdi oılastyryp jatyr jáne onyń ólimi qandaı jaǵdaıda oryn alǵanyn anyqtaýmen aınalysýda.
Qazaqstannyń Syrtqy ister mınıstrligi qaza tapqan azamattyń týǵan-týysqandaryna qaıǵyryp kóńil aıtady, dedi resmı ókil.
