Bishkekte bılıardtyń «Qurastyrmaly pıramıda» túrinen Álem chempıonaty bolady
ALMATY. 21 naýryz. QazAqparat - 22-25 naýryz kúnderi Qyrǵyz Respýblıkasynyń Bishkek qalasynda bılıardtyń «Qurastrymaly pıramıda» túrinen Álem chempıonaty ótedi.
Búgin oǵan qatysatyn sportshylardy tirkeý rásimi jasalyp, keshke jerebe tartylady. Ony Bılıard sportynyń búkilálemdik konfederatsııasy aıasynda Pıramıda boıynsha Azııalyq komıtettiń qatysýymen Pıramıda jónindegi halyqaralyq komıtet pen Qyrǵyz Respýblıksynyń bılıard sporty federatsııasy birigip uıymdastyryp otyr. Bul baıraqty básekege halyqaralyq dárejedegi tóreshi Aleksandr Kokýnın bastaǵan qazylar alqasy tórelik jasaıdy. Chempıonatttyń júlde qory 30 myń AQSh dollaryn qurap otyr. Onda birinshi oryn alǵan jeńimpaz 8 myń, kúmis júldeger 5 myń, al qola júlde alǵan 2 sportshy 2 500 dollardan alady. Al 5-8 oryn alǵandar 1 myń, 9-16 alǵandar 500, 17-32 oryn alǵandarǵa 250 dollardan syıaqy beriledi.
