Bishkekte bılıardtyń «Qurastyrmaly pıramıda» túrinen Álem chempıonaty bastaldy
ALMATY. 22 naýryz. QazAqparat - Búgin Bishkekte bılıardtyń «Qurastyrmaly pıramıda» túrinen Álem chempıonaty bastaldy. 4 kúnge sozylatyn bul baıraqty básekege 22 elden 98 sportshy qatysýda.
Olardyń arasynda ótken jylǵy dúbirli dodanyń jeńimpazy men júldegerleri de bar.
Chempıonattyń irikteý oıyndary 22-23 kúnderi «Kondor» bılıard klýbynda ótip, fınaldyq bóligi 24-25 kúnderi Qojamqul atyndaǵy sport saraıynda jalǵaspaq. Onda eń úlken qurama Qazaqstannan qatysýda. Al Qyrǵyzstannan - 20, Reseıden - 12, Ýkraına - 10, Ázirbaıjan - 6, Ózbekstan - 5 sportshy qosyp otyr. Jalpy byltyrǵy Álem chempıonaty 21-25 aqpan kúnderi Almatyda ótken bolatyn. Onda jartylaı fınalda Qanybek Saǵyndyqovtan 5:4 esebimen basym túsken 15 jasar reseılik Nıkıta Lıvada aqtyq synda ýkraın Aleksandr Palamardy 6:3 esebimen jeńgen edi. Al Qanybek Saǵyndyqov pen ýkraın ıAroslav Tarnevetskıı qola júldeger atandy. Al Álıhan Qaraneev, Áýez Elýbaev, Ernar Shymbaev, Qýanysh Abpasov pen Azat Túmenov úzdik 16 sportshynyń qataryna endi.
Bıyl bul dúbirli dodada el namysyn - Almas Ábseıit, Qýanysh Abpasov, Garı Akopov, Elaman Ataev, Dmıtrıı Grıgorev, Ádil Dııas, Áýez Elýbaev, Emıl Mýdarısov, Arbı Mýtsıev, Álibek Omarov, Maksım Pan, ıÝrıı Radchenko, Qanybek Saǵyndyqov, Baǵdat Sársenbaev, Serik Saýtov, Hamıt Seıdazym, Núrken Súıkembaev, Aıdos Týǵanbaev, Azat Túmenov, Dáýren Orynbaev, Ernar Shymbaev, Ǵanı Shardarbekov qorǵaýda. 24-27 qańtarda Qyzylorda qalasynda «Qurastyrmaly pıramıdadan» ótken Qazaqstan chempıonatynda aqtóbelik A. Túmenov - el chempıony, almatylyq E. Shymbaev - kúmis, al qaraǵandylyq D. Grıgorev pen almatylyq Q. Saǵyndyqov qola júldeger atanǵan edi. Onda almatylyq D. Orynbaev, H. Seıdazym, A. Mýtsıev, tarazdyq Ǵ. Shardarbekov, M.Pan men astanalyq Q. Abpasov 1/8 fınalǵa deıin jetip, alǵashqy 13 sportshynyń qatarynan oryn alǵan bolatyn.
