Bishkekte balabaqshalar jabylyp, mektepter onlaın oqýǵa kóshedi

BІShKEK. KABAR-QazAqparat – Qyrǵyzstan astanasy Bishkek qalasynda 12 sáýirden bastap epıdemıologııalyq jaǵdaı jaqsarǵanda qabyldanatyn sheshimge deıin mektepter qashyqtan oqýǵa kóshedi, dep habarlaıdy QazAqparat Kabar agenttigine silteme jasap.

Bishkek meri baspasóz qyzmetiniń habarlaýynsha, bul sheshim qalalyq epıdemııaǵa qarsy jáne epızootıkaǵa qarsy tótenshe komıssııanyń otyrysynda qabyldanǵan.

Sonymen qatar, 12 sáýirde Bishkekte barlyq balabaqsha jabylady.
«Ýchaskelik saılaý komıssııalary ornalasqan balabaqshalardaǵy oqý 8 sáýirden bastap onlaınǵa kóshedi, bizde ondaı 14 balabaqsha bar», - delingen habarlamada.
Qazir qalada sanıtarııa baqylaýy kúsheıtilgen, sharýashylyq nysandarynda mobıldi ınspektsııa brıgadalarynyń sany kóbeıtilgen.

Eske sala ketsek, Bishkek koronavırýstyń taralýy boıynsha «qyzyl» aımaqqa kirdi.