Bishkekte aýyr atletıkadan Azııa chempıonaty ótip jatyr
ALMATY. 4 shilde. QazAqparat - Keshe Bishkek qalasyndaǵy Qojamqul atyndaǵy sport saraıynda aýyr atletıkadan jastar arasyndaǵy HH Azııa chempıonatynyń ashylý rásimi ótti.
Oǵan Azııanyń 14 elinen erler men qyzdar arasynda 100 sportshy qatysýda. Búgin bul baıraqty básekeniń alǵashqy saıystary ótedi. El namysyn erler arasynda - 8, áıelder arasynda 7 atlet qorǵaıtyn bolady. Olar - Erbolat Jolamanov (62 kg), Ádilbek Balqaev (69 kg), Ǵalymbek Jubathanov, Aıdar Qazov (77 kg), Vladıslav Tsoı (85 kg), Dmıtrıı Ulanov (94 kg), Maksım Laktıonov (105 kg), Vasılıı Koshelev (+105) jáne Ásel Amangeldi (48 kg), Ásel Sársekenova, Sáýle Sádýaqasova (58 kg), Mádına Tashkenbaeva (63 kg), Maıra Faızollaeva (69 kg), Elena Parfenteva (75 kg), Bota Qalymova (+75 kg). Al jarys qojaıyndary erler arasynda - 8, qyzdar arasynda 2 sportshy ǵana qosyp otyr. Jalpy bul dúbirli doda 7 shildege deıin jalǵasady.
