Bishkekte atys uıymdastyrǵan eki qazaqstandyq azamat ustaldy
ASTANA. QazAqparat - Keshe keshki ýaqytta kúsh qurylymdarynyń qyzmetkerleri Bishkektiń ortalyǵynda atys uıymdastyrǵan qarýly qylmyskerlerdi ustady, dep habarlady KırTAG agenttigine quqyq qorǵaý organdarynan.
Eki qazaqstandyq azamat - 24 jastaǵy Albert Abjın Satybaldy oǵly men 27 jastaǵy Janbolot Ámirov ustaldy. Olar 2014 jyly Bishkektiń Pervomaıskıı aýdandyq sotymen birqatar qylmystardy jasaǵany úshin tórt jylǵa bas bostandyǵynan aıyrý jazasyna kesilgen, alaıda túrmeden qashyp ketken.
Keshe, 25 maýsym kúni ulttyq qaýipsizdik komıtetiniń qyzmetkerleri olardyń Isanov pen Kıevskıı kósheleriniń qıylysynda júrgenin anyqtady. Alaıda ustaý áreketi kezinde qylmyskerlerdiń biri tapanshadan áýege oq atyp, ekinshisi qol granatasyn jaryp jiberýmen qorqytqan. Osynyń arqasynda qylmyskerler qashyp ketti.
Aldyn ala málimetter boıynsha, olar 25 maýsym kúni keshqurym qolǵa túsken, qazirgi ýaqytta UQMK-niń tergeý abaqtysynda otyr.
