Bishkekte arnaıy operatsııa barysynda atys bolyp, 4 sodyrdyń kózi joıyldy
ASTANA. QazAqparat - Bishkekte halyqaralyq terrorlyq uıym sodyrlarynyń belsendi qarýly qarsylyǵyn joıý boıynsha MUQK júrgizgen kontr-terrorlyq operatsııa aıaqtaldy. Bul týraly QyrTAG habarlady.
Oqıǵa ornynda MUQK qyzmetkerleri tazalaý jáne tergeý-jedel sharalaryn júrgizdi.
Arnaıy operatsııa aıasynda MUQK arnaıy bólimshesi qyzmetkerlerine qarý qoldana otyryp, belsendi qarsylyq kórsetken tórt sodyrdyń kózi joıyldy.
Sondaı-aq, arnaıy operatsııa barysynda arnaıy bólimshe qyzmetkerleri túrli deńgeıde jaraqat aldy, olar Bishkektiń medıtsınalyq mekemesine jetkizildi.
Beıbit turǵyndar arasynda zardap shekkender men qurbandar joq.
