Bishkekte Altaı órkenıetin zerdeleý ınstıtýty qurylady
ASTANA. QazAqparat - Sholpan atada ótip jatqan «Altaı órkenıeti jáne altaı tildik otbasynyń týys halyqtary» atty halyqaralyq forýmnyń deklaratsııasy qabyldandy, dep habarlaıdy knews.kg .
«Túrli elderden qatysýshylar bul ıdeıany qoldap, biraýyzdy sheshimge keldi. Sebebi bul osy elder ǵalymdarynyń ózara jumys isteýi úshin buryn-sońdy bolmaǵan biregeı alań», dedi prezıdent keńesshisi Mıra Qarybaeva.
Deklaratsııa jobasy qazir hatshylyqta jatyr, onyń negizgi ıdeıalary: Bishkekte altaı órkenıetin zerdeleý ınstıtýtyn qurý; Ystyqkól jaǵalaýynda ashylǵan «Kóshpendiler órkenıeti ortalyǵyn» qoldaý; forýmnyń halyqaralyq qadaǵalaý keńesin qurý; ǵylymı zertteýlerdiń arnaıy baǵdarlamasyn ázirleý; basylym túrinde de shyǵarylatyn, ınternette de qoljetimdi bolatyn Altaı zertteýleri týraly jýrnal shyǵarý.
Forým turaqty jumys isteıtin alań bolatyny atap ótiledi, kelesi kezdesý 2018 jylǵy tamyz-qyrkúıekte Dúnıejúzilik kóshpendiler oıyndary aıasynda ótedi.
