Bishkekte alapat daýyl aǵashtardy qulatyp, úılerdiń shatyryn ushyryp áketti (FOTO)
ASTANA. QazAqparat - Qyrǵyzstan astanasynda bolǵan alapat daýyl aǵashtardy jáne bılbordtardy qulatyp, úılerdiń shatyryn ushyryp áketti. Birneshe mashına zaqymdandy,dep habarlaıdy KırTAG.
Bishkektegi naızaǵaı oınap, nóser jańbyrmen qosyla soqqan kúshti jel keshe shamamen 20.00-de bastalyp, bir saǵatqa sozyldy. Internet paıdalanýshylardyń habarlaýynsha, Gorkıı men Baıtyq Baatyr kósheleriniń qıylysynda jarnamalyq şıt, Gorkıı men Beıbitshilik dańǵyly qıylysynda elektr baǵanasy qulaǵan, al Baqaev-Gagarın kósheleriniń qıylysynda qulaǵan aǵash joldy jaýyp qalǵan. Birneshe mashına zaqymdanǵan. Sondaı-aq elektr symdary da úzilgen. Qalanyń keı aýdandarynda elektr jelileri isten shyqqan, keıbir úılerdiń shatyrlaryn jel ushyryp áketken.
Tótenshe jaǵdaı mınıstrliginiń derekterine qaraǵanda, jeldiń jyldamdyǵy sekýndyna 28 metrge jetken.
