Bishkekte aqsha bopsalaýmen aınalysqan 19 jastaǵy qyzdar ustaldy
ASTANA. QazAqparat - Qyrǵyz tártip saqshylary Bishkek qalasynyń turǵyndarynan jeke málimetterin áleýmettik jelige salamyz dep qomaqty soma talap etken eki qyzdy ustady, dep habarlaıdy QazAqparat Kabar agenttigine silteme jasap.
Bishkek qalasynyń ІІB taratqan aqparatqa sáıkes 20 sáýir kúni qala turǵyny mılıtsııaǵa habarlasyp, odan belgisiz bireýler 75 myń som (357 myń teńge - avt.) aqsha talap etkendigin aıtyp shaǵymdanǵan.
Jedel tergeý jumystarynyń nátıjesinde, arnaıy boıaýlarmen belgilengen 10 myń somdy berý kezinde 19 jastaǵy eki boıjetken qylmys ústinde qolǵa tústi.
Olar adamdar týraly jeke málimetke qol jetkizgen soń, derekterdi áleýmettik jelige jarııalaımyz dep aqsha bopsalaǵan.
Atalǵan fakty boıynsha «Bopsalaý» babyna sáıkes qylmystyq is qozǵaldy, kúdiktiler qamaýǵa alyndy.
