Bishkekte Aq úıden shyqqan órt sóndirildi
BІShKEK. Kabar - QazAqparat - Qyrǵyzstanda Aq úıden shyqqan órt jergilikti ýaqyt boıynsha saǵat 7:49-da sóndirildi, dep habarlaıdy Qyrǵyzstanyń Tótenshe jaǵdaılar mınıstrligine silteme jasaǵan Kabar agenttigi.
Qyrǵyzstannyń tótenshe jaǵdaılar mınıstrligi taratqan málimetke qaraǵanda, oqıǵa ornynda 7 órtke qarsy top jumys istep jatyr.
Olardy órtti sóndirý jumystarymen aınalysýda.
Eske salaıyq, jeksenbi, 4 qazan kúni Qyrǵyzstanda Jogorký Keneshke depýtattardy saılaý ótti. Depýtattyq mandatqa 16 partııa úmitkerlik etti. Daýys berýdiń aldyn ala málimeti boıynshy, 7% mejeni 4 partııa eńserdi.
Al, búgin, 5 qazan kúni saılaý nátıjesine kóńili tolmaǵan bir top adam ortalyq alańda mıtıng uıymdastyryp, odan keıin Aq úıge bettedi. Olardy tarqatý úshin mılıtsııa kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boıynsha, aýrýhanaǵa zardap shekken 16 adam jetkizilgen.
Eldiń Іshki ister mınıstrligi mıtıngti uıymdastyrýshylar men partııa basshylaryn óz jaqtastaryn úılerine qaıtarýǵa shaqyrdy.
Keıin Qyrǵyzstan Prezıdenti Sooronbaı Jeenbekov erteń, 6 qazan kúni parlamenttik saılaýǵa qatysqan barlyq 16 partııa basshysymen kezdesetini málim etildi.
Aıta keteıik, eldiń Ortalyq saılaý komıssııasy daýys berýdiń sońǵy nátıjesin saılaýdan keıin 20 kúnnen keshiktirmeı jarııalaýy tıis.
