Bishkekte 22 adam tamaqtan ýlandy
BІShKEK. Qabar - QazAqparat – Bishkektegi Moskovskaıa kóshesi, 136 mekenjaıynda ornalasqan «№1 ashana» kafesinde jappaı tamaqtan ýlaný oqıǵasy tirkeldi, dep habarlaıdy QazAqparat Kabar agenttigine silteme jasap.
Memlekettik sanıtarlyq-epıdemıologııalyq qadaǵalaý agenttiginiń baspasóz qyzmeti málim etkendeı, ýlaný saldarynan 22 adam aýrýhanalarǵa, onyń ishinde 9 adam Tokmok aýrýhanasyna jáne 13 naýqas Shý Birikken aýrýhanasyna jatqyzyldy.
Qazirgi ýaqytta barlyq zardap shekkenderdiń jaǵdaıy qanaǵattanarlyq.
Naýqastardan surastyrý barysynda olardyń barlyǵy 25-26 mamyrda osy tamaqtaný ornynda brızol jegeni belgili boldy.
Oqıǵa ornyna mamandar baryp, synamalar alyndy, qozdyrǵyshty anyqtaý úshin saraptama taǵaıyndaldy. Sondaı-aq, kafege 15 myń som aıyppul salynyp, bolǵan jaǵdaıdyń barlyq sebep-saldary anyqtalǵanǵa deıin jabyldy.
