Bishkekte 17 jastaǵy qazaqstandyq bozbala joǵalyp ketti
NUR-SULTAN. QazAqparat – Qyrǵyzstan astanasy Bishkek qalasynda 17 jastaǵy qazaqstandyq bozbala joǵalyp ketti, dep habarlaıdy QazAqparat tilshisi.
Bul jaıynda Bishkek qalasy Sverdlov aýdandyq ishki ister basqarmasynyń Facebook paraqshasynda jarııalandy.
Málimetke qaraǵanda, 28 tamyz kúni qala turǵyny vedomstvoǵa júginip, 2005 jyly 15 sáýirde dúnıege kelgen jıen inisi, Qazaqstan azamaty Ábdýllaev Іlııas Olegulyn izdeýge járdem berýin ótingen.
Onyń atap ótýinshe, sol kúni saǵat shamamen 12:00 men 13:00 aralyǵynda jıen inisi «Djýnhaı» bazary aýmaǵynda belgisiz baǵytqa ketip qalyp, sodan beri oralmaǵan.
Qazirgi ýaqytta bozbalanyń qaıda júrgeni belgisiz.
«Habar-osharsyz ketken Ábdýllaev Іlııas Olegulynyń qaıda júrgenin anyqtaý úshin belsendi izdeý sharalary júrgizilip jatyr», - dep atap ótedi Bishkek qalasy Sverdlov aýdandyq ishki ister basqarmasynan.
