Bishkekte 1,5 tonna jylqy etin asyp álemdik rekord jasady
ASTANA.QazAqparat - Bishkekte 1 464 keli bolatyn jylqy eti men uzyndyǵy 117 metr qazy daıyndaldy, dep habarlaıdy akipress.org.
Sharany uıymdastyrýshylardyń biri Jamalbek Yrsalıevtiń aıtýynsha, daıyndalǵan et Gınnestiń rekordtar kitabyna enýi múmkin. Barlyq sanıtarlyq talaptar saqtalyp, shara barysy tolyǵymen tirkelgen.
Búgingi úlken qazandaǵy asty baqylaýǵa Shvetsııa men Italııadan kelgen eki aspaz qatysty.
9 bas jylqy soıylyp, sıymdylyǵy 150 lıtrlik 12 taıqazan qurylǵan.
«Qyrǵyz tılekteshtıgı» qoǵamdyq birlestigi bul sharany jyl saıyn 5 naýryzda atap ótiletin Qalpaq kúnine arnaǵan. 8 naýryzda Gınnestik rekordtar kitabynan jaýap kelgen. Onda birinshi týrdan osy shara sátti ótilgeni atap ótilgen. Qazir ekinshi týr qujattary ázirlengen, foto jáne vıdeo tirkeý júrgizildi. Qorytyndy eki aptada ázir bolady dep habarlanǵan.
Daıyn bolǵan asty jınalǵan qonaqtarǵa úlestirdi. Eń aldymen jeti oblystan jınalǵan aqsaqaldarǵa dám tatqyzdy.
Eske sala ketsek, 2015 jylǵy 6 shildede Astana kúnine arnap úlken taıqazanǵa et asyldy. 746 keli bolatyn álemdegi eń úlken et taǵamy merekege kelgen halyqqa taratylyp, artynsha uıymdastyrýshylarǵa Gınnestiń rekordtar kitabynyń sertıfıkaty tabys etildi.
Foto: kg.akipress.org
