Bishkekke zardap shekkender úshin tonnadan astam dári-dármekter jetkizildi
BІShKEK. Sáýirdiń 12-si. QazAqparat /Qurmat Samarhan/ - Bishkekke jaqynda elde bolǵan oqıǵalarda zardap shekkenderge dári-dármekter jetkizildi. Bul týraly Halyqaralyq Qyzyl krest komıtetiniń (HQKK) Tashkentte ornalasqan Ortalyq Azııadaǵy aımaqtyq ókildiginen habarlady.
Ókildikten habarlaǵanyndaı, senbi kúni, sáýirdiń 10 kúni HQKK-niń ushaǵy Peshavardan (Pákistan) Qyrǵyzstan astanasyna tonnadan astam dári-dármek, sondaı-aq qaza bolǵandardyń denesin saqtaýdy qamtamasyz etý úshin kerek-jaraqtar jetkizdi. Bishkekke oqtan jaralanǵandardy emdeý úshin dáriler jıyntyǵy, jarany tańatyn materıaldar, vaktsınalar, qaza bolǵandardy oraıtyn qaptar ákelindi.
«Bul ótken sársenbide qaqtyǵystar bastalǵan sátten bergi bizdiń alǵashqy gýmanıtarlyq avıareısimiz, buǵan deıin de HQKK qoldaýymen medıtsına qyzmetkerleri zardap shekkenerge kómek kórsetken bolatyn», - dedi Qyrǵyzstandaǵy HQKK mıssııasynyń basshysy Klaýdıa Azzolını.
HQKK Bishkekte ishki tártipsizdik bastalǵaly qyrǵyz medıtsına mekemelerine qoldaý kórsetýde. Búginde Qyrǵyzstanda HQKK quramynda 35 qyzmetker jumys isteýde. Olar Bishekete jáne eldiń ońtústik batysyndaǵy Osh qalasynda ornalasqan. Taıaýdaǵy kúnderde olardyń qatary jańa qyzmetkerlermen tolyǵa túspek, dep málim etti ókildikte.
