Bishkekke Qazaqstannyń shekaradaǵy baqylaýdy kúsheıtýin saıasılandyrý tıimdi bolyp tur - Qalıev
ASTANA. QazAqparat - Bishkekke Qazaqstannyń shekaradaǵy baqylaýdy kúsheıtýin saıasılandyrý tıimdi bolyp tur. Mundaı pikirdi qazaqstandyq saıasattanýshy Talǵat Qalıev bildirdi, dep habarlaıdy QazAqparat.
Onyń paıymynsha, qazirgi sátte Qazaqstan bizdiń elimizdiń ǵana emes, Eýrazııalyq ekonomıkalyq odaqtyń barlyq qatysýshylarynyń múddesin qorǵap otyr. Óıtkeni, Qyrǵyzstannan kelip jatqan «sur» reeksporttan barlyǵy da zardap shegýde.
«Búginde Bishkekke tek qana tehnıkalyq, zańdyń jáne qarjylyq tegistikte jatqan máseleni saıasılandyrýǵa basymdyq berý, Astana aıtqan naqty sharttardy popýlıstik leksıkada burmalaý tıimdi bolyp otyrǵan sııaqty. Alaıda, Qyrǵyzstan úshin EAEO-ǵa múshe bolý tıimdi ekendigi sózsiz. Sebebi bul tranzıttik áleýetin tolyqqandy damytýǵa, kókónisteri men jemis-jıdekterin ótkizý naryqtaryn ıgerýge, týrıster legin tartýǵa múmkindik beredi», - dedi saıasattanýshy.
Talǵat Qalıevtiń aıtýynsha, qazirgi ýaqytta Bishkek EAEO múshesine júkteletin halyqaralyq mindettemelerdi qabyldap, saqtaý jáne óziniń ekonomıkasyn damytý, halqynyń ál-aýqatyn arttyrýdy nemese esirtki tasymalyn, «sur» reeksportty baqylaýynda ustap otyrǵan shaǵyn toptyń múddesin qamtamasyz etýin jalǵastyra berý syndy tańdaý aldynda tur.
«Ókinishke oraı Bishkek rıtorıkasy ázirshe ekinshi nusqaǵa peıildi ekendigin kórsetip otyr», - dedi ol.
