Bishkek turǵyny qoqystan bir jáshik qarý taýyp aldy
ASTANA. QazAqparat - Qyrǵyzstan astanasynyń turǵyny qoqys shyǵaryp júrip, konteıner ishinen bir jáshik taýyp alǵan, dep habarlaıdy Qyrǵyz telegraf agenttigi.
«Qala turǵyny qaladaǵy qoqys konteınerleriniń birinen ishinde qarýy bar jáshik taýyp aldy. Er adam erikti túrde qarýdy tártip saqshylaryna tapsyrdy. Qazir oq-dáriniń jáne qarýdyń onda qalaı barǵany tekserilip jatyr», - habarlaıdy Bishkek qalalyq ІІD-niń baspasóz qyzmeti.
Jáshikte ME8DETECTIVE markaly tapansha, 2 granata jarǵyshy, 2 gaz ballony jáne belgisiz tapanshanyń 4 oq qoraby bolǵan.
