Bishkek-Osh tasjolynda qar kóshkini júrip, kólik qozǵalysy shekteldi

BІShKEK. KABAR-QazAqparat – Búgin jergilikti ýaqyt boıynsha saǵat 9:30-da Jalal-Abad oblysy Toqtoǵul aýdanynda Bishkek-Osh tas jolynyń 223-shaqyrymynda qar kóshkini júrdi. Bul týraly eldiń Tótenshe jaǵdaılar mınıstrligi málim etti, dep habarlaıdy QazAqparat «Kabar» agenttigine silteme jasap.

TJM habarlaýynsha, qar massasynyń kólemi anyqtalyp jatyr.

«Qazir bir kún buryn qar kóshkini basyp qalǵan Bishkek-Osh tas jolynyń 231-shaqyrymyndaǵy ýchaske tazartyldy. Jol jumysshylary men arnaıy tehnıka 223-shaqyrymǵa attandy», - delingen habarlamada.

Qar kóshkini saldarynan Shý oblysyndaǵy «Sosnovka» jáne Jalal-Abad oblysyndaǵy «Aral» beketteri jabyldy. Barlyq kólik túrleri úshin qozǵalys ýaqytsha shekteldi.

Foto: kabar.kg