Bishkek-Osh kúre jolyndaǵy apat: 8 tonna avıakerosın ózenge tógildi
ASTANA. QazAqparat - Bishkek-Osh trassasynda benzın tasymaldaıtyn kólik aýdarylyp, 8 tonna avıakerosın jol men ózenge tógildi. Bul týraly KırTAG Qyrǵyzstan TJM-ǵa silteme jasap habarlaıdy.
Jol-kólik apaty 25 qarashada Jaıyl aýdanyndaǵy avtojoldyń 120 shaqyrymynda shamamen 17:45-te bolǵan.
«Eshkim zardap shekken joq. Oqıǵa ornynda apat saldaryn joıý jumystary júrgizilip jatyr», - dep habarlady mekemeden.
«Úsenov» jeke kásipkerligine tıesili benzın tasymaldaıtyn kólik Osh qalasyna bet alǵan. Qozǵalys barysynda tirkeme ajyrap qalǵan jáne shamamen 7-8 tonna kerosın jol men Abla ózenine tógilgen. Avtokólikte 38 tonna kerosın bolǵan.
Sosnovka men Taldy bulaq eldi mekenderindegi turǵyndardyy qorǵaý maqsatynda sý irkýish qurylystary ýaqytsha jabyldy. 26 qarasha kúni Abla ózeniniń sýynan taǵy da synama alynyp, saraptamaǵa jiberiledi.
