Bishkek-Osh kúre jolynda bolǵan jol apatynan Tájikstannyń bes azamatshasy qaza tapty
ASTANA. QazAqparat - Bishkek-Osh kúre jolynda bolǵan jol-kólik apaty saldarynan Tájikstannyń bes azamatshasy qaza tapty, dep habarlaıdy KırTAG TJM baspasóz qyzmetine silteme jasap.
«11 mamyr kúni saǵat 13:35-te Bishkek-Osh kúre jolynyń 471-shi shaqyrymynda Audi-100 jáne Audi -C-4 kólikteri soqtyǵysyp, saldarynan 5 adam mert boldy», - dep málim etti TJM-nen.
Vedomstvonyń derekterine qaraǵanda, taǵy úsh adam jaraqattanǵan.
Qaza tapqan tórt adamnyń tulǵalary anyqtaldy: ol 51 jastaǵy Babıhatık Tarbalantova, 46 jastaǵy Sanobar Radzapova, 55 jastaǵy Sodat Safarova, 51 jastaǵy Bıbısor Melıbaeva, barlyǵy Tájikstan azamatshalary.
Taǵy eki jolaýshy men Audi -C4 kóliginiń júrgizýshisi aýrýhanada jatyr.
