Bishkek ortalyǵynda belgisiz bireýler kólikke oq jaýdyrdy
ASTANA. QazAqparat - Bishkek ortalyǵyndaǵy Isaev kóshesi men Chúı dańǵylynyń qıylysynda belgisiz bireýler kólikke qarata oq atty. Bul týraly KırTAG agenttigi habarlady.
Oqıǵanyń kýágerleri eki ret oq atylǵanyn estigen. Qalalyq ІІB-da oqıǵa týraly tolyqqandy aqparat bermedi.
«Onda atys-shabys bolǵan joq. Júrip bara jatqan kólikke qaraı oq atyldy. Oq atqandar qarýlaryn tastap, oqıǵa ornynan izin jasyrdy. Aldyn ala shamalaý boıynsha, eshkim zardap shekken joq. Naqty aqparat keıinirek beriledi», - dep habarlady Bishkek qalalyq ІІB baspasóz qyzmetiniń bastyǵy Oljobaı Qazabaev.
Kýágerlerdiń aıtýynsha, buǵan deıin qorshaýǵa alynǵan oqıǵa orny ashyq, polıtsııa jasaqtary ketip qaldy.
Áleýmettik jelilerde «bul reseılik bıznesmenge qastandyq jasaý áreketi bolýy múmkin» degen tekserilmegen aqparat paıda boldy. Alaıda buǵan eshqandaı resmı dálel joq.
