«Bishkek-Novosibir» poıyzynda esirtki tasymaldaýshy iri partııa geroınmen ustaldy
ASTANA. 28 naýryz. QazAqparat - Qyrǵyzstan azamaty «Bishkek-Novosibir» poıyzynda iri partııa geroınmen quryqtaldy,
dep habarlaıdy QR UQK baspasóz qyzmeti.
Esirtki tasymaldaýshyny 26 naýryz kúni UQK shekara qyzmetiniń «Soltústik» aımaqtyq basqarmasynyń «Aýyl temirjol» shekaralyq baqylaý bóliminiń shekarashylary ustady.
Esirtki salynǵan jasyryn qalta jolaýshynyń jemis-jıdekter salynǵan jeke sómkesinen tabyldy. Tárkilengen geroınniń salmaǵy 1 keli 600 gramdy qurady. Qazirgi kúni atalmysh fakti boıynsha anyqtaý jumystary júrgizilýde.
Baspasóz qyzmetiniń habarlaýynsha, 2011 jyldyń basynan beri qazaqstandyq shekarashylar jalpy salmaǵy 65 keli bolatyn esirtki tasymaldaýdyń 25 oqıǵasyna toqsaýyl boldy.
