Bishkek meıramhanasynda jappaı ýlaný faktisi boıynsha qylmystyq is qozǵaldy
ASTANA. QazAqparat - Bishkekte meıramhana qonaqtarynyń jappaı ýlaný faktisi boıynsha qylmystyq is qozǵaldy, dep habarlaıdy Kabar qalalyq ІІD baspasóz qyzmetine silteme jasap.
«Qyrǵyzstan Respýblıkasy Qylmystyq kodeksiniń 256 (sanıtarlyq-epıdemıologııalyq erejelerdiń buzylýy) jáne 258 (qaýipsizdik talaptaryna saı emes taýarlardy satý nemese óndirý, qyzmet kórsetý) baptary boıynsha qylmystyq is qozǵaldy. Materıal Oktıabr aýdandyq ІІD-de tirkeldi», - delingen habarlamada.
Qajetti saraptama taǵaıyndaldy. Saraptama nátıjesi boıynsha qosymsha aqparat beriledi.
Bishkekte «Ala-Too» meıramhanasyna 20 myń som aıyppul salynyp, ýlanýdyń mán-jaıy anyqtalǵanǵa deıin jabyldy. Budan bólek ǵımarattyń ákimshisine 5 myń som aıppul salyndy.
Eske salaıyq, 30 naýryz kúni Bishkektegi «Ala-Too» meıramhanasynda adamdar jappaı ýlanyp, 173 adam zardap shekti. Qyrǵyzstan densaýlyq saqtaý mınıstrliginiń aqparaty boıynsha, zardap shekkenderdiń ishinde 100 adam, sonyń ishinde 19 bala aýrýhanada jatyr.
