Bishkek meri qyzmetinen bosatyldy
ASTANA. QazAqparat - Bishkek qalalyq keneshiniń senimsizdik votýmyn bildirýine baılanysty, Albek Ibraımov Bishkek qalasynyń meri laýazymynan bosatyldy, dep habarlaıdy Kabar agenttigi Qyrǵyzstan úkimeti apparatynyń aqparattyq qamtý bólimine silteme jasap.
Qyrǵyz Respýblıkasynyń premer-mınıstri Muhammedkalyı Abylǵazıev búgin Bishkek merin laýazymynan bosatý týraly buıryqqa qol qoıdy.
Eske sala keteıik, 13 shilde kúni Bishkek qalalyq kenesh depýtattary qala meri Albek Ibraımovke senimsizdik votýmyn bildirip, onyń otstavkaǵa ketýin talap etken bolatyn.
Memlekettik ulttyq qaýipsizdik komıteti baspasóz qyzmetiniń málimetinshe, A. Ibraımov 19 shilde kúni ustalyp, MUQK-niń Bas tergeý basqarmasyna jetkizildi. MUQK Bas tergeý basqarmasy birqatar qylmystyq isterdi tergep jatyr. Tergeý barysynda A. Ibraımovtiń olarǵa qatysy bary týraly naqty málimetter anyqtalǵan.
