«Bishkek-Máskeý» jolaýshylar poıyzynda esirtkiniń iri partııasymen reseılik azamat ustaldy
AQTÓBE. Aqpannyń 9-y. QazAqparat /Samal Endibaeva/ - «Bishkek-Máskeý» jolaýshylar poıyzynda esirtkiniń iri partııasymen 32 jastaǵy reseılik azamat bolyp tabylatyn áıel ustaldy,
dep habarlady kóliktegi Batys Іshki ister departamentiniń baspasóz qyzmetinen.
Departamenttiń esirtki bıznesimen kúres jónindegi basqarmasynyń qyzmetkerleri álgi áıeldi ıisshil ıttiń kómegimen jedel-izdeý sharalaryn júrgizý barysynda ustady.
Atap aıtqanda, Qyrǵyzstanda týyp-ósken, biraq qazir Reseı azamaty bolyp tabylatyn álgi áıelden 3 kelige jýyq gashısh jáne 1 keli geroın salynǵan eki túıinshek tabyldy. Esirtkini ol Reseıdiń Samara qalasyna apara jatqan. Atalmysh fakti boıynsha qylmystyq is qozǵaldy, qazir tergeý sharalary júrgizilýde.
