Bishkek mańynda qulaǵan ushaqtyń bir ekıpaj múshesi tiri qalǵan
BІShKEK. QazAqparat - Bishkek mańynda qulaǵan ushaqtyń bir ekıpaj múshesi aman qalǵan. Turkish Airlines avıakompanııasynyń júk tasıtyn ushaǵy apaty kezinde úsh ushqysh, bir ekıpaj múshesi kóz jumǵan, dep habarlady Bishkekten «QazAqparat» HAA tilshisi.
Bul týraly oqıǵa ornyna kelgen QR birinshi vıtse-premer-mınıstri Mýhammetkalyı Abýlgazıe habarlady.
QR TJM derekterine sáıkes túrik avıa jelisine tıesili ushaq Gonkongten Túrkııaǵa bet alǵan. Avıalaıner ushý jolaǵyna 500 metrdeı jetpeı, «Manas» áýejaıyna jaqyn jerge qulaǵan.
Eske salsaq, 16 qańtarda Qyrǵyzstannyń Shý oblysy Sokýlýk aýdany Dacha-Sýý aýylynda, áýejaıǵa jaqyn jerde saǵat tańǵy 7.31-de Gonkongten Túrkııaǵa bet alǵan júk ushaǵy qulady. Avıalaıner «Manas» áýejaıynan maı quıýdy josparlaǵan. Alaıda aýa raıynyń qolaısyzdyǵy saldarynan ol apatqa ushyrady. Saǵat 9.00-de 15 jergilikti turǵynnyń qaza tapqany belgili boldy, onyń 6-aýy bala.
