Bishkek mańynda 9 tonnaǵa jýyq marıhýana ósirgen

BІShKEK. Kabar-QazAqparat – Qyrǵyzstannyń Sokýlýk aýdanynda esirtkimen aınalysty degen kúdikpen er adam ustaldy, dep habarlaıdy QazAqparat Kabar agenttigine silteme jasap.

Shý oblysynyń ishki ister bas basqarmasynyń málimdeýinshe, 2019 jylǵy 17 shildede Qyrǵyz Respýblıkasy ІІM Shý oblysy boıynsha Esirtkiniń zańsyz aınalymyna qarsy kúres qyzmeti Sokýlýk aýdanyndaǵy qyzmetkerlermen birlesip «Bishkek-Manas» kúre jolynda jedel sharalar júrgizgen. Reıd barysynda toqtatylǵan 1961 jyly týǵan er adamnan 680 gramm jabaıy sora tabylǵan.

Kúdiktiniń Dostyq aýylyndaǵy úıin tintý barysynda jalpy salmaǵy 23 kg 800 gramm esirtki tabylady.

Tergeý barysynda kúdikti Dacha-Sýý aýylyndaǵy úıiniń aınalasyn tutas egistik alqabyna aınaldyryp, marıhýana ósirgeni anyqtalǵan. Sol jerden 8 tonna 900 kılogramm marıhýanany orylyp, tárkilengen.

Qazir sotqa deıingi tergep-tekserý júrip jatyr.