Bishkek komendatýrasy mıtıng pen alkogolge tyıym saldy
NUR-SULTAN. QazAqparat – Bishkek komendatýrasy mıtıngterge, kóshe sherýleri men jappaı jınalatyn sharalarǵa tyıym saldy, dep habarlaıdy QazAqparat kabar.kg agenttigine silteme jasap.
Komendatýranyń baspasóz qyzmeti saǵat 18.00-den tańerteńgi 09.00-ge deıin alkogol ónimderi men qarýlardyń satylýyna tyıym saldy.
Sonymen birge jaǵdaıdy ýshyqtyrýǵa paıdalanylǵan aýdıo jáne vıdeotehnıkalardy qoldanýǵa shekteý qoıylyp otyr.
Bishkekte qazirgi ýaqytta azamattardyń barlyǵy úshin saǵat keshki 21.00-den tańǵy 05.00-ge deıin komendanttyq saǵat engizilgen.
Eske sala ketsek, Qyrǵyzstan prezıdenti Sooronbaı Jeenbekov 9 qazanda Bishkek qalasynyń aýmaǵynda tótenshe jaǵdaı rejımin engizý týraly jarlyqqa qol qoıǵan bolatyn.
