Bishkek keneshiniń depýtattary qyrǵyz astanasynyń turǵyndaryna úndeý qabyldady
BІShKEK. Sáýirdiń 8-i. QazAqparat /Evgenıı Novıkov/ - Bishkek qalasy meriniń mindetin ýaqytsha atqarýshy Isa Ómirqulov Bishkek qalalyq keneshi depýtattarynyń shuǵyl keńesi barysynda qyrǵyz astanasyndaǵy jaǵdaıdy qysqasha aıtyp berdi jáne halyq qalaýlarynyń ony retteýge kómektesýin surady.
Óz kezeginde depýtattar qala ókimet oryndaryna ózderiniń talaptaryn aıtty. Atap aıtqanda, bishkektikter qala kóshederindegi tártipti ornyna keltirýdi, halyqtyń qolyndaǵy zańsyz qarýdy tezirek jınap alý sharalaryn qolǵa alýdy, jerlerdi jáne jeke múlikterdi basyp alýǵa jol bermeýdi, medıtsına mekemelerin dári-dármekpen qamtamasyz etýdi, balalar men jalpy bilim beretin mekemelerdiń qaýipsiz jumysyn qalpyna keltirýdi surady.
Budan basqa, qalanyń azyq-túlik qaýipsizdigin qamtamasyz etý, sondaı-aq qaza bolǵandardy jerleý sharalaryn qamtamasyz etý qajet.
Keńestiń qorytyndysynda depýtattar qala turǵyndaryna úndeý qabyldady.
«Bizdiń ókishinimizge oraı, biz qaıǵyly túndi bastan ótkizdik. Qalada tonaýshylyq oryn aldy. Biraq ta búgin biz talan-tarajǵa ushyratýshylyqtyń ekinshi tolqyny óris almaýyna bar kúsh-jigerimizdi jumsaýǵa tıispiz. Biz astananyń barlyq turǵyndaryn halyq jasaqshylaryn qurýǵa shaqyramyz. Bizdiń úılerimizde qaıtadan tynyshtyq ornaýyna barlyq kúshimizdi jumsaýymyz qajet. Biz halyqtyq úkimetke sózimizdi arnaımyz: bizge qalada tártip ornatýǵa kómektesińizder...Bárimiz birge Bishkekte tynyshtyqty saqtap qalaıyq», delingen úndeýde.
