Bishkek: «Dordoı» bazarynda shatyr qulap, qazaqstandyqtar zardap shekti
ASTANA. QazAqparat - «Dordoı» bazarynda shatyr qulaý saldarynan bes adam zardap shekti. Qyrǵyzstan densaýlyq saqtaý mınıstrligi baspasóz qyzmetiniń habarlaýynsha, olardyń ishinde qazaqstandyqtar da bar. Jedel járdemmen olar Bishkek travmotologııa jáne ortopedııa ǵylymı-zertteý ortalyǵyna jetkizildi.
«Olarǵa barlyq qajetti medıtsınalyq kómek kórsetilýde», - dep habarlady vedomstvoǵa siltememen kabar.kg.
Zardap shekkender:
- J.O. 1978 jyly týǵan, Qazaqstan azamaty. Dıagnoz: Jabyq mı jaraqaty, mı shaıqalý, mańdaıy jaralanǵan.
- T.N. 1956 jyly týǵan, Qazaqstan azamaty. Dıagnoz: jabyq mı jaraqaty, mıy shaıqalǵan, sol ıyǵy synǵan (jabyq).
- ıA.F. 1976 jyly týǵan. Dıagnoz: belindegi jumsaq tinder zaqymdanǵan.
- V.Z. 1954 jyly týǵan. Dıagnoz: sol jaq qabyrǵasy synǵan, taban súıegi synǵan.
