Bishkek áýejaıynyń qyzmetkeri jolaýshynyń quny 2,5 mln som bolatyn júgin qoldy etti
ASTANA. QazAqparat - Qyrǵyzstan astanasy Bishkek qalasyndaǵy áýejaıdyń qyzmetkeri ondaǵy jolaýshylardyń biriniń quny 2,5 mln som bolatyn júgin urlap ketti. Bul týraly Qyrǵyzstannyń ІІM habarlaǵan.
Qyrǵyzstannyń kyrtag.kg agenttiginiń habarlaýynsha, osy oqıǵanyń aldynda el turǵyndarynyń biri áýe kóligi jelisi boıynsha ishki ister bólimine kelip, Bishkek-Osh baǵytynda ushyp shyqqan ushaqtaǵy júginen belgisiz bireýlerdiń altynan jasalǵan áshekeılik buıymdaryn (69 túri bar) urlap ketkendigin aıtyp, tıisti shara qoldanýdy suraǵan.
Bul shaǵym qylmystyq áreketterdiń tizimine engizilip, tártip saqshylary tergeý jumystaryna kirisken. Osy is boıynsha bolýy yqtımal túrli is-áreketter boıynsha tekserý júrgizgen tártip saqshylary eki kúnen soń kináli azamatty tabady.
Kúdikti áýejaıdyń júk tasymalyna jaýap beretin top qyzmetkerleriniń biri, Naryn oblysynyń At-Bashyn aýdanynyń 1990 jyly týǵan turǵyny bolyp shyqty. Odan zattaı derekter retinde urlanǵan áshekeılik buıymdar tárkilendi. Kúdikti azamat urlaǵan zattaryn áýejaıdan alyp shyǵyp, ózi turyp jatqan úı mańyna jerge kómip tastaǵan.
Bul fakti boıynsha qazir qylmystyq is qozǵalyp, tergeý sharalary júrip jatyr.
