Bishkek ákimi ulynyń qatysymen bolǵan jol-kólik oqıǵasynda 3 adam qaza boldy
ASTANA. 17 tamyz. QazAqparat - Bishkek qalasynyń ákimi Isa Omýrqulovtyń uly Azamat kólik apatyna ushyrady,
dep habarlaıdy AKIpress.
Derek kózderiniń habarlaýynsha, jol-kólik oqıǵasy 15 tamyzda túngi saǵat 1:45 shamasynda Shý oblysy Toqmaq qalasy mańynda Bishkek-Torýgart aınalma tasjolynyń 60-shy shaqyrymynda bolǵan.
Omýrqulov Azamat Isauly (1982 j.t.) basqarǵan «Lend Krýzer» kóligi Ystyqkólden Bishkekke baǵyt alǵan.
Aldyn ala málimetter boıynsha, joǵarǵy jyldamdyqpen kele jatqan jol talǵamaıtyn kólik qarsy baǵytqa shyǵyp ketip, «Aýdı-80» avtokóligimen soqtyǵysqan.
JKO nátıjesinde «Aýdı» kóliginde otyrǵan úsh adam qaza boldy. «Lend Krýzer» janyp ketti. Onyń ishinde apat barysynda jeńil jaraqat alǵan eki qyz ben bir jigit bolǵan.
