Bıshimbaev isi boıynsha kúdiktiler tizimi anyqtaldy
ASTANA. QazAqparat - Astana qalalyq sotynda QR Ulttyq ekonomıka mınıstrliginiń burynǵy basshysy Qýandyq Bıshimbaevtyń isi boıynsha aldyn ala tyńdaý ótip jatyr, dep habarlaıdy «QazAqparat» HAA tilshisi.
Sot barysynda burynǵy mınıstr isi boıynsha kúdiktiler tizimi jarııalandy.
Kúdiktilerdiń basym bóligi "Báıterek DEVELOPMENT" AQ burynǵy qyzmetkerleri bolyp shyqty. Olardyń arasynda «Báıterek DEVELOPMENT» AQ burynǵy basqarma tóraǵasy bolǵan Baqyt Jaqsybaev, onyń orynbasary Aslan Jaqypov, «Báıterek DEVELOPMENT» AQ departamentiniń burynǵy basshysy Baýyrjan Áıtimbetov, Báıterek DEVELOPMENT» AQ dırektsııasynyń burynǵy dırektory Sádýaqas Saparymbetov jáne «Báıterek DEVELOPMENT» AQ basqarýshy dırektorlary bolyp jumys istegen Delrýh Anarbaı men Ǵazız Sarıev bar. Sondaı-aq, is fıgýranttary qataryn «Orda Glass» JShS burynǵy basqarma basshysy Dáýren Ibrashev, "Qurylys metall konstrýktsııalar zaýyty" JShS burynǵy bas dırektory Jaqsylyq Isabek, «Shymkenthımmontaj» burynǵy bas dırektory bolǵan Marat Qojabaev jáne "Qazmunaıgaz" bólimsheleriniń biriniń bas dırektorynyń orynbasary bolǵan Erlan Aıtalıev tolyqtyrdy.
Odan bólek, Azız Akramov, Qanat Smaǵulov, Baýyrjan Esmuhanov, Arman Qamarov, Ernar Jumanazar, Sábıt Ýtebalıev, Qaıdar Kosshanov, Danııar Oljabekov, Ýálıhan Jumabaı, Ádiljan Akramov jáne Nurlybek Sultan - Bıshimbaev isi boıynsha kúdiktiler tiziminde.
Aldyn ala tyńdalymdaǵy sot otyrysy áli de jalǵasýda.
Eske sala ketsek, 2017 jyldyń 10 qańtarynda Sybaılas jemqorlyqqa qarsy Ulttyq bıýro burynǵy Ulttyq ekonomıka mınıstri Qýandyq Bıshimbaevtyń ustalǵanyn habarlaǵan bolatyn. Ulttyq bıýro málim etkendeı, ol bir top adammen aldyn ala kelisip, iri kólemde birneshe márte para aldy dep aıyptalýda.
Bıshimbaev Qyzylorda qalasynda shyny tabaq shyǵaratyn jáne óńdeıtin zaýyt salý kezinde «Orda Glass» JShS-nyń vedomstvolyq baǵynystaǵy kompanııasy men onyń merdigerlik uıymy «Shymkenthımmontaj» JShS arqyly 1 mlrd teńge jymqyrý qylmystyq shemasyn uıymdastyrdy degen kúdikke ilindi. 12 qańtar kúni Astana qalasy Almaty aýdandyq №2 soty Qýandyq Bıshimbaevqa qatysty ony «qamaýǵa alý» týraly sanktsııa berdi. Tergeý nusqasy boıynsha, Bıshimbaev zańsyz jolmen alǵan aqshalaı qarajatty jeke qajettilikterine jumsaǵan.
