Bıshiler eń turaqsyz jubaılardan bolyp shyqty
ASTANA. Jeltoqsannyń 8-i. QazAqparat - The Daily Telegraph basylymy bıshilerdiń mal dárigerlerine qaraǵanda tórt ese jıi ajyrasatynyn - uıymdastyrý psıhologııasy salasyndaǵy maman Maıkl Amodttyń zertteý nátıjeleri osyndaı nátıje bergenin jazady,
dep habarlaıdy QazAqparat Lenta.rý saıtyna silteme jasap.
Amodt mamandyqtardyń jáne jubaılardyń ajyrasý yqtımaldyǵy arasyndaǵy baılanysty zerttedi jáne bıshiler men horeograftardyń bárinen jıi ajyrasatynyn anyqtady: olar úshin shańyraqtarynyń kúıreý yqtımaldyǵy 43 paıyzdan joǵary. Odan keıingi oryndardy barmender men massajshylar (38 paıyzdan joǵary), dáriger-psıhıatrlar men kútýshiler, sondaı-aq sport jáne oıyn-saýyq ındýstrııasynyń qyzmetkerleri (29 paıyz) ıelenedi.
Ajyrasý kózqarasy turǵysynan eń «qaýipti» mamandar tizimine, sondaı-aq daıashylar, aspazshylar, úı qyzmetshileri, tasýshylar, konserjder, shatyr jabýshylar jáne telefondardy satý salasyndaǵy mamandar enedi.
Aýyl sharýashylyǵy óndirisiniń ınjenerleri ajyrasýǵa bas qatyrmaıtyndardan bolyp shyqty - olardyń jaǵdaıynda ajyrasý yqtımaldyǵy nebári 2-aq paıyzdy quraıdy. Optıka mamandarynyń, dantısterdiń, ortopedterdiń jáne dinı qyzmetshilerdiń ajyrasý yqtımaldyǵy 7 paıyzdan aspaıdy. Muǵalimderdiń, mal dárigerleriniń jáne jerleý rásimi bıýrosynda jumys isteıtinderdiń ajyrasýy da sırek. Matematıkter men hatshylardyń neke buzý yqtımaldyǵy shamamen 20 paıyzdy quraıdy.
Mamandyǵy boıynsha qarym-qatynas jasasý jáne baılanys ornatý múmkindikterin paıdalana otyryp, basqa adamdarmen jıi aralasatyndardyń jáne basqalarǵa qamqorlyq tanytatyndardyń ajyrasý yqtımaldyǵy da joǵary bolyp shyqty. Aıtalyq, kún saıyn qyrýar adamdarmen kezdesetin dantıster men optıka mamandarynyń qabyldaýǵa kelýshilermen sóılesýge ýaqyttary joq bolǵandyqtan, osy mamandyq ıeleriniń ajyrasý úlesi de tómen ekenin kórsetti.
