Birjolǵy zeınetaqy tólemi arqyly 350 myńnan astam adam baspana jaǵdaıyn jaqsartqan

NUR-SULTAN. QazAqparat – Biryńǵaı jınaqtaýshy zeınetaqy qorynan turǵyn úı jaǵdaıyn jaqsartýǵa aqsha alǵysy kelgen 350 269 adamnyń ótinishi qatanǵattandyrylǵan, dep habarlaıdy QazAqparat.

Bul týraly Biryńǵaı jınaqtaýshy zeınetaqy qorynyń saıty jazdy.

«2021 jyldyń 13 shildesindegi jaǵdaı boıynsha salymshylardyń zeınetaqy jınaqtaryn turǵyn úı jaǵdaılaryn jaqsartý úshin paıdalanýǵa bergen 350 269 ótinishi oryndaldy. Bankterde ashylǵan qazaqstandyqtardyń arnaıy shottaryna shamamen 1,6 trln teńge aýdaryldy. Birjolǵy zeınetaqy tólemderiniń ortasha somasy – shamamen 4,5 mln teńge», - dep jazady BJZQ saıty.

Oryndalǵan ótinishterdiń eń kóbi Almaty qalasynyń (16,5%), Mańǵystaý oblysynyń (15,4%), Nur-Sultan qalasynyń (12,9%) turǵyndarynan túsken.

Zeınetaqy jınaqtarynyń bir bóligin paıdalanýǵa ótinishterdi qabyldaıtyn ýákiletti operatorlar: «Otbasy banki» turǵyn úı qurylys jınaq banki» AQ, «Qazaqstan Halyq banki» AQ, «Altyn Bank» AQ, «Bank TsentrKredıt» AQ jáne «Bank Frıdom Fınans Kazahstan» AQ. Solardyń ishinde oryndalǵan ótinishterdiń 95,3%-y «Otbasy bank» arqyly rásimdelgen.

Degenmen, arnaıy shottarǵa aýdarylǵan zeınataqy ashqasynyń 185,6 mlrd teńgesy qaıtadan BJZQ shottaryna aýdarylǵan. Sebebi salymshylardyń bir bóligi birjolǵy zeınetaqy tólemderin belgilengen merzimde paıdalanbaǵan.

Al emdelýge barlyǵy 36 926 ótinish túsip, onyń ishinde 20 mlrd teńgeniń 21 054 ótinishi maquldanǵan. Ortasha soma – shamamen 1 mln teńge.