Birjarym jyldyń ishinde elimizde 227 ınvestıtsııalyq joba iske qosyldy
Bul týraly búgin selektorlyq rejımdegi Úkimet otyrysynda Údemeli ındýstrııalyq-ınnvatsııalyq baǵdarlamasy boıynsha baıandama jasaý kezinde Úkimet basshysynyń orynbasary - ındýstrııa jáne jańa tehnologııalar mınıstri Áset Isekeshev málim etti.
«2010 jyl men 2011 jyldyń birinshi jarty jyldyǵy aralyǵynda 914 mlrd. teńgege 227 ınvestıtsııalyq joba iske qosyldy. 29 myń turaqty jańa jumys oryndary quryldy. 100 mlrd. teńgeden astam qarjyǵa ónim shyǵaryldy», - dedi vıtse-premer.
Á. Isekeshevtiń sózine qaraǵanda, «1,5 jyldyń ishinde ınvestıtsııanyń kóp bóligi Shyǵys Qazaqstan (142 mlrd. teńge), Aqtóbe (128 mlrd. teńge), Pavlodar (121 mlrd. teńge) oblystarynda tartyldy. Bıylǵy 2 jartyjyldyqta 617 mlrd. teńgege 129 jobany iske qosý josparlanyp otyr. Osy oraıda 14,5 myń turaqty jańa jumys oryndary qurylady», - dedi Úkimet basshysynyń orynbasary.
Onyń aıtýynsha, 2011 jyly Indýstrııalandyrý kartasy boıynsha iske asyrylatyn jobalarda ınvestıtsııalardyń jalpy kólemi 1,5 trln. teńgeni quramaq.
