Birjan Jaqypov jeńisterimen qýantýda!
ASTANA. 9 sáýir. QazAqparat - 9 sáýir kúni astanalyq «Dáýlet» sport kesheninde Azııanyń olımpıadalyq shırekfınaldyq aqyrǵy kezdesýleri bastaldy.
Keshegi ótken shırekfınaldyq kezdesýler boıynsha, 5 salmaq dárejesinde olımpıadalyq lıtsenzııa ıeleri anyqtaldy. Bokstan alǵashqy eki lıtsenzııany Túrikmenstan ókilderi ıelendi. Qazaqstan, Tájikstan, Úndistan jáne Iran elderinde 1 lıtsenzııadan bar. Al kúres sporty boıynsha 9 memleket qatardan qalyp qoıdy.
Búgin ashylǵan shırekfınaldyq kezdesýde Birjan Jaqypov pákistandyq Mýhammad Nısarmen kezdesti. Qazaqstandyq 4 boksshynyń arasynda Birjan eń sońǵy bolyp rıngke shyqty. Kezdesýdiń alǵashqy mınýttarynan-aq jerlesimizdiń myqty daıyndyǵy kózge uryp turdy. Birinshi raýnd 2:7 esebimen aıaqtalsa, ekinshi raýndta 14:4 esebimen jerlesimiz jeńiske jetti. Úshinshi raýnd ta 25:5 esebimen aıaqtalyp, B.Jaqypov taǵy da qarsylasynan basym tústi.
«Bul jolǵy kezdesýde men ózimniń ádis-tásilimdi 100 paıyzǵa ózgerttim. Biraq men bar tájirıbemdi áli kórsetken joqpyn. Óıtkeni meniń búgingi qarsylasym asa myqty bolǵan joq. Al kelesi kezdesýdi men ózbekstandyq sportshymen ótkizemin. Men ony osyǵan deıin eki ret utqanmyn. Osy joly da bar kúsh-jigerimdi jumsap, jeńiske jetemin degen oıdamyn», - dedi Birjan pákistandyq sportshymen bolǵan kezdesýden.
Birjannyń jaqsy óner kórsetkenin onyń jattyqtyrýshysy Myrzaǵalı Aıtjanov ta rastap, endigi kezdesýdiń ózbekstandyq boksshymen bolatyndyǵyn aıtady. «Qazirgi tańda barlyq boksshylarǵa qoıylatyn talap bireý, ol qalaı bolǵan kúnde de jeńiske jetý», - deıdi bapker.
Birjannyń endigi qarsylasy aldynda atap ótilgendeı ózbekstandyq Shahobıddın Zoırov bolmaq. Astanada shırekfınaldyq kezdesýler áli jalǵasýda. Búgingi keshki baǵdarlamalardyń birinde ekinshi jupta jartylaı fınalǵa shyǵý múmkindigi jáne olımpıadalyq lıtsenzııa úshin qazaqstandyq Іlııas Súleımenov judyryqtasady. Onyń qytaılyq Azııa chempıony Iong-Changpen bolatyn match-revanshyn qalyń kópshilik asyǵa kútýde.
