Birjan Jaqypov AIBA Pro Boxing chempıony tıtýlyna qol jetkize almady
ASTANA. QazAqparat - Qazaqstandyq Birjan Jaqypov qytaılyq Gýıanda AIBA Pro Boxing chempıondyq tıtýl úshin bolǵan jekpe-jeginde jeńildi, dep habarlaıdy Vesti.kz.
Maýsymnyń basty jekpe-jeginde 49 salmaqqa deıingi salmaq dárejesinde qazaqstandyq boksshy Qytaı boks mektebi juldyzdarynyń biri - Lıý Bınmen aıqasty. Jaqypov 113:115, 111:117, 111:117 esebimen utyldy.
Eske sala keteıik, AIBA Pro Boxing Olımpıadaǵa irikteý jarysy Qazaqstanǵa Olımpıadaǵa qatysýdyń eki lıtsenzııasyn ákeldi. Uıymnyń chempıony retinde kvotany Berik Ábdirahmanov (60 kelige deıin) alsa, ekinshi joldama Birjan Jaqypovqa (49 kelige deıin) buıyrdy.
