Birjan sal aýdanynda zamanaýı otbasylyq saýyqtyrý ortalyǵy ashyldy
KÓKShETAÝ. QazAqparat - Aqmola oblysynyń Birjan sal aýdanynda otbasylyq saýyqtyrý ortalyǵy ashyldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Júkeı kóliniń jaǵasynan oryn tepken zamanýı «Kóktal Town» ortalyǵy «Salamatty Qazaqstan» baǵdarlamasy boıynsha ashylyp otyr.
Nysannyń ashylýy rásimine Aqmola oblysy ákiminiń orynbasary Aına Mysyrəlimova, QR Densaýlyq saqtaý vıtse-mınıstri Oljas Ábishev qatysyp, quttyqtaý sóz sóıledi.
«Aqmola oblysy úshin týrızm ındýstrııasy ekonomıkanyń basty áleýeti zor salasy bolyp tabylady. Búgin keń kólemde qyzmet túrin usynyp otyrǵan qonaqúıler men shıpajaılardan bólek, «Medıtsınalyq týrızmdi damytý» baǵytynda otbasylyq saýyqtyrý ortalyǵy ashyldy. Atalmysh ınvestıtsııaly jobany júzege asyrý oblystyń týrıstik salasyn damytýǵa zor múmkindik beredi»,- dedi óńir basshysynyń orynbasary Aına Mysyrəlimova quttyqtaý sózinde.
Mekemeniń bas dárigeri Bilimjan Dúısembaevtyń aıtýynsha, ortalyqta jaıly nómirler, basseın, saýna, sportpen shuǵyldaný zaly, bılıard zaly,bı jáne balalardyń oıyn alańy, meıramhana qarastyrylǵan. Eń bastysy eresekterdi qan qysymy, varıkoz, júıke, tirek-qımyl apparatynyń buzylýy aýrýlarynan saýyqtyrý úshin «Fıtobóshka» emdeý sharasy júrgiziledi.
Sonymen qatar, demalýshylar qymyz, saýmal iship, salt atpen, velosıped jáne kvadratsıklmen serýendeýine bolady. Voleıbol, fýtbol, basketbol alańdary da organızmdi saýyqtyrýǵa múmkindik beredi.
