Birjan sal aýdanynda PHD-qaldyqtardy qaıta óńdeý zaýytyn salý josparda bar - mınıstr

KÓKShETAÝ. QazAqparat - Aqmola oblysynyń Birjan sal aýdanynda PHD-qaldyqtardy qaıta óńdeý zaýytyn salý josparlanyp otyr. Bul týraly QR ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy QazAqparat tilshisi.

Joba Stepnogor qalasyna burynǵy áskerı nysan - «Darıal – Ý» radıolokatsııalyq stantsııasynyń aýmaǵynan ákelingen PHD-qaldyqtaryn joıýǵa baǵyttalǵan.
Mınıstrdiń aıtýynsha, Stepnogor turǵyndaryn PHD-qaldyqtaryn qaladan shyǵarý másele tolǵandyryp otyr.

«Qazirgi kezde PHD-qaldyqtaryn qaıta óńdeý zaýytyn salý máselesi tur. Bul qaldyqtardy býyp-túıý jáne saqtaý týraly aıtatyn bolsaq, onda atmosferanyń lastanýyna qatysty eshqandaı alańdaýshylyq joq. Olardyń barlyq qaptamasy BUU deńgeıinde sertıfıkattalǵan, qaldyqtar barlyq sanıtarlyq jáne ekologııalyq talaptarǵa sáıkes keletin jaǵdaılarda saqtalady, dabyl júıesi bar. Bul qaldyqtar qorshaǵan ortaǵa, sondaı-aq halyqtyń ómiri men densaýlyǵyna eshqandaı qaýip tóndirmeıdi», - dedi Serikqalı Brekeshev.

Mınıstr atap ótkendeı, qaýipti qaldyqtardy qaıta óńdeý jáne joıý máselesi boıynsha qoǵamdyq tyńdaýlar ótken.

«Halyq pen jurtshylyq bul qaldyqtardy Stepnogor qalasynda qaıta óńdeý nusqasyn iske asyrýdy qoldamady. Sondyqtan ákimdik qazir qaraýǵa úsh balama nusqany usynyp otyr. Olar boıynsha jobalyq-smetalyq qujattama ázirlenýde. Biz bir nusqada toqtadyq. Bul qaladan 70 shaqyrym jerde – Birjan sal aýdanynda salý. Ony jergilikti turǵyndar qoldap otyr», - dep tolyqtyrdy Serikqalı Brekeshev.

Aqmola oblysynda Qopa kólin tazartýǵa 12,1 mlrd teńge baǵyttalmaq.