Birjan sal aýdanynda muǵalimder jalǵan dıplommen sabaq ótkizgen – Aqmola oblysy
KÓKShETAÝ. QazAqparat – Birjan sal aýdanynyń prokýratýrasy muǵalimderdiń jalǵan dıplommen sabaq ótkizgenin anyqtady, dep habarlaıdy QazAqparat tilshisi Aqmola oblystyq prokýratýrasyna silteme jasap.
Vedomstvonyń deregi boıynsha, Birjan sal aýdanynyń prokýratýrasy oqýshylardyń sapaly bilim alýda quqyǵyn qorǵaý maqsatynda bilim zańnamasynyń saqtalýyna monıtorıng júrgizgen.
«Tekseris barysynda jalǵan dıplomdy qoldanýdyń 15 oqıǵasy anyqtaldy. Arnaýly orta bilimi bar pedagogıkalyq qyzmetkerler aılyǵyna qosymsha tólem alý úshin jalpy bilim beretin mektepterge joǵary bilimi týraly jalǵan dıplomdardy usynǵan», - deıdi vedomstvodan.
Jalǵan dıplomy anyqtalǵan muǵalimder bastaýysh synyptarǵa, qazaq tili men ádebıeti, dene shynyqtyrý, matematıka jáne eńbek pánderinen sabaq ótkizgen.
«Jalǵan dıplom úshin 15 muǵalimniń ústinen QR QK 385 babynyń 3 bóligi (jalǵan qujat, shtamp, mór, blank, poshta tólemderiniń memlekettik belgileri, memlekettik nagrada jasaý jáne saýdalaý) qylmystyq is qozǵaldy.
Kinásin moıyndap, ókingen ár pedagogke sot úkimimen 10 AEK (25 250 teńge) kóleminde aıyppul túrinde jaza qoldandy», dep tolyqtyrdy Aqmola oblystyq prokýratýrasyndaǵylar.
