Birjan Nurymbetov Túrkistandaǵy járdemaqylardyń berilý barysymen tanysty

Birjan Bıdaıbekuly ataýly áleýmettik kómektiń jańa baǵyty boıynsha atqarylyp jatqan jumystarmen tanysyp, jergilikti halyqqa memleket tarapynan kórsetilip jatqan áleýmettik kómekterdiń barysyn túsindirdi,
Mınıstr bul kúni Kentaý qalasyndaǵy ataýly áleýmettik kómek alyp, kásip ashqan kópbalaly otbasynyń úıine bardy. Kásip ıesi Gúlmıra ıÝldashevamen kezdesý barysynda mınıstr ataýly áleýmettik kómektiń jańa baǵytyn túsindirdi. Aıta keteıik, búginde januıasyna berilgen ataýly áleýmettik kómektiń aqshasyna kıim keshek saýdasyn bastap, kásibin bastaǵan. Sondaı-aq, arnaıy kýrstan ótken qala turǵyny 505 myń teńgelik grantty ıelenip, «Eńbek» baǵdarlamasy boıynsha tiginshi mamandyǵyn meńgergen. Qazir tósenishter tigip, satyp jatyr. Birjan Nurymov bul kúni sondaı-aq, oblys ákiminiń orynbasary Ulan Tájibaevpen kópbalaly jáne áleýmettik jaǵdaıy tómen otbasylarmen de kezdesti. Óńir turǵyndaryna jyl basynan engizilgen ataýly áleýmettik kómek kórsetýdiń jańa tásilderin keńinen túsindirdi.
«Jańa joba úsh baǵytty qamtıdy. Birinshi baǵyt boıynsha, kópbalaly otbasylar jeke sanatqa shyǵarylyp, olarǵa kepildendirilgen járdemaqy usynylady. Ekinshi baǵytta, az qamtylǵan sanattaǵy azamattardy qoldaý jáne olardy eńbekke yntalandyrý kózdelgen. Úshinshi baǵytta, barlyq AÁK alýshy otbasylardaǵy balalarǵa zattaı qoldaýdy qamtıtyn kepildendirilgen paketti usyný kózdelgen. Memleket kómekke muqtaj jandarǵa, balalar men kópbalaly otbasylarǵa kómektesedi. Bul eń basty qıǵıda. Eńbekke qabiletti azamattar jumys isteýi kerek. Bul tusta aıta ketetin jaıt, memleket jumys tabýǵa ne shaǵyn bıznespen aınalysýǵa kómektesedi - dedi Birjan Nurymbetov.
Jıyn barysynda mınıstr memlekettik kómekke kópbalaly otbasylardy qoldaýǵa tabysy az otbasylarǵa ataýly áleýmettik kómek, ondaǵy balalarǵa kepildi áleýmettik kómek kiretinin atap ótti.
« AÁK tabysy az otbasylarǵa, sonyń ishinde kópbalaly otbasylarǵa tólenetin bolady. Eger otbasynyń eńbekke jaramdy músheleri usynylǵan jumystan bas tartsa, ókinishke oraı, AÁK tóleý tek qana olarǵa ǵana emes, búkil otbasyna da toqtatylady. Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasy aıasynda azamattardyń jekelegen sanattary úshin qysqa merzimdi oqytý kýrstaryn ótkizý jáne jeke isin ashý úshin mıkrokredıtter men memlekettik granttar bólý kózdelgen»,- dedi Birjan Nurymbetov.
Jıyn sońynda Eńbek jáne halyqty áleýmettik qorǵaý mınıstri men sala basshylardy turǵyndar tarapynan qoıylǵan saýaldarǵa jan-jaqty jaýaptar berdi.